Riyadh, K’lyngkot:
U Crown Prince jong ka Saudi Arabia, u Mohammed bin Salman ha ka jingiakren phone bad u President ka United States- u Donald Trump ha ka Sngi Palei u la ai khublei kyrpang ia u halor ka jingwanphai biang jong u Trump sha ka iing White House ha une u snem 2025 hadien ba u la jop ia ka ilekshon President ha u Naiwieng mynshem snem. Kumta ruh u la kular ba katei ka ri kan theh ia ki jingpynlut ‘investment’ jong ka ha United States na ka bynta ki jingiatrei lang bad ka khaii-pateng ka ban nang kham jur bad katei ka ri.
Shuh shuh ruh utei u nongialam ka Saudi Arabia u al ong ba katei ka ri kan pynheh ia ki jingbei tyngka sha US naka bynta ban pynïar shuh shuh ia ka kam khaii ha United States da palat $600 Billion ha kine ki 4 snem.
Tang mar ia iuhkjat nyngkong ha ka ophis President, u Trump u la ong ba ka Saudi Arabia ka long ka paralok ba hajan eh jong ka US khamtam ha ka liang ka shongsuk- shongshngaiñ ha baroh arliang ri.
