California, Risaw:
Katei ka tymmen nong India kaba la 72 snem ka rta, kaba la jah rngai na ka jaka sah jongka hapoh ka nongbah California, la ong ba la lap pat ïa ka metiap jongka na kawei ka nala heh hadien ba uwei u nongpynkhuid u la dei ïaid lyngba na katei ka jaka ban leit pynkhuid kumba u ju leh barabor. Ka tnat pulit Ceres, ka la pynithuh ïa katei ka metiap ba ka long ka jong ka Ajit Kaur, ka nong India kaba la jah rngai ha katei ka nongbah naduh u Nailar.
Ki pulit ki la iathuh ba uwei u nongtrei ka Turlock Irrigation District (TID) u la lap ïa katei ka metiap ha Lower Lateral 3 Canal, hajan Central Avenue bad Keyes Road ha Ceres, ha ka sngi saitjain, ka 24 tarik u Risaw. Ka TID ka pyniaid ïa ka rukom pyntuid um ha katei ka jaka, bad utei u nongtrei u dang pynlong ïa kawei na ki jingpahara ba bunsien jong ka distrik man ka sngi ha katei ka por.
Ki ophisar ki la leit sha katei ka jaka bad ki la pynthikna ba ki shyieng ki dei ki briew. Ya kini ki arngut da phah ki cha ka Stanislaus County Coroner’s Office (SCCO), kawa da ithuh ya kani ka met ha ka 27 tarik u Risaw.
La iathuh ba ka Kaur, ka la jah na Casa Grande Apartment complex ha Ceres, ha ka 23tarik u Nailar, 2026. Ki pulit ki la iathuh ba la iohi khatduh ïa ka ha katei ka sngi, ha ka por kumba 1.45 baje mynstep, hajan ka surok Whitmore Avenue bad Mitchell Road ha katei ka nongbah. Ki la ai ïa kita ki jingtip ba bniah ha ka post ha ka 22 tarik u Risaw.
