New York, K’lyngkot:
Hadien ba u Trump u la pynbna ba un pynher krad lut ia ki phetwir bym biang kot na US, la ong ba ki bor pyniaid ka US ha ka Sngi U Blei ki la sdang ban leit khynra sha ki bynta jong ka New York bad New Jersey ban ioh pynphai iing noh ia kito ki phetwir ki bym biang ki kot- ki sla.
Kumta, la ong ba kane ka la wanrah ruh ia ka jingpyrshah na kiba bun kiba la pynksan ba ka rai jong u Trump ka long kaba bakla namar ka la pynkheiñ wat ia ka aiñ ban ia burom ia kiwei ki para jaitbynriew.
Namar la kynnoh ruh ba ki bor pyniaid jong ka Homeland Security ki thmu ban leit khynra khnang ia ki jaitbynriew ka Gurdwara kiba don hapoh katei ka nongbah New York bad New Jersey bad kumjuh ia kito ki phetwir ki bym biang kot- bym biang sla bad ba yn ioh ban pynphai biang pat ia ki sha kito ki ri kiba ki dei trai ban shong.
