Montreal, Jylliew:
Ki pulit ka Montreal ha ka Sngi Nyngkong ki la pyntip ba 3 ngut ki briew, ki la kyllon iap hapdeng ka jingsynreit kuli kaba la jia ha katei ka nongbah jong ka ri Canada.
Kane ka jingjia ka la jia ha kawei ka jaka kaba don shi bynta ki Jiw kaba kynthup ïa ki iew Kosher bad ki jaka bam, hynrei ki pulit ki la kyntait ban kren eiei halor kaei ka daw kaba lah ban long bad hato katei ka jingjia ka dei ka jingleh be-ijot ne ka jingleh be-ijot.
Ka Radio Canada kaba pynbna paidbah, ka la ong ba utei u nongsiat u don ki rukom pyrkhat kaba ju khot ka “incel” – ka jingpyrkhat pyrshah ïa ki kynthei kaba la pynlong ïa u briew uba donkti ha kawei na ki jingpynïap paidbah ba shyrkhei tam ha Canada, ka jingshah tynrah kali ha u snem 2018 ha Toronto kaba la pynïap ïa 10 ngut.
Ka Incel ka mut “ki bym kwah ban shongkurim,” bad ka don ka jingiadei bad ki shynrang kiba iadei para kynthei bad shynrang kiba la pynlong ïa ki ban leh palat pud namar ka jingbym lah jong ki ban shem ïa ki paralok kynthei.
U heh pulit jong ka Montreal, u Fady Dagher, u la ong ba ka jingjia ha ka sngi Nyngkong ka dei “ka jingjia ba sngewsih, ka jingphohsniew kaba shyrkhei.”
Ki jingbthei jong ki suloi ha ka jingshai sngi kim da jan jia ha Canada kumba ki jia sha shiliang pud ha ri America, hynrei kim dei ki bym ju iohsngew. Ka jingshah siat kum kane ha Montreal ka long kaba duna bha.
U Dagher u la ïathuh ba ki pulit ki la ïoh pdiang ïa ka phone shaphang ka jingïasiat kaba jur bha ha ka dong Cote-des-Neiges jong ka Montreal ha ka por kumba 11:30 Baje mynstep.
Ki pulit ki la jubab bad ka la mih ka jingiasiat, ha kaba utei u nongleh kam sniew u la siat na shapoh kawei ka iing da ka suloi kaba jrong, la iathuh u Dagher ha ki nongthoh khubor ha katei ka jaka.
U Frank Vogas, u iathuh ha ka AFP, ba u dang thied rong ha kawei ka dukan ha katei ka thain, ha kaba katei ka jingsiat suloi, ka la bthei.
“Nga iohi ba ki pulit ki rung stet, ki wan rung na man la ki jaka, bad, ki rah ïa ki suloi jong ki,” la ong une u rangbah uba 71 snem ka rta, da kaba batai ba ki ophisar ki la ong ïa ki briew ha ka dukan ba kin buh rit haduh madan.
U Danny Wilk, uba shong ba sah ha Cote-des-Neiges, u iathuh ha ka tnat pathai khubor AFP, ba ula sakhi ïa katei ka jing ïa kynad.
“Nga la don ha surok hajan iing jongnga haba nga la iohsngew ïa kawei ka jingsiat, nangta sa katto katne tylli,” u la ong, da kaba bynrap: “Nga la pyrshang ban rieh ha ka jaka die pizza kaba don hajan, bad dei hangta ba nga la iohi ïa u nongsiat, uba la iohi ba u la pynkhreh ban siat ïa ka suloi jong u, uba la phong da ki jain shipai.”
U Wilk u la ong ba u la iohi ïa u ophisar ba la shah pyniap, uba la iap ha madan, shwa ba ïa u nongsiat yn pynhap noh da ki pulit.
U Dagher u la pynthikna ba uwei u ophisar shynrang u la shah siat iap, bad kawei pat ka ophisar kynthei ka la mynsaw jur hynrei ka jingim jong ka kam don ha ka jingma. U la pynthikna ba utei u nongsiat suloi u la phong da ki jain kiba paw kum ki jain shipai.
Ia ki jingtip ba bniah sawdong jong utei u riew paidbah ba la shah pyniap ym pat lah ban tip.
U Mark Carney, myntri rangbah duh jong ka Canada, u la ong ba u la sngew shyrkhei shibun ïa katei ka jingshah thombor.
