Shillong, K’lyngkot 29
Ka Jong Ngi CC ka la pynliem noh ïa ka Shillong Press Club (SPC) da 91 run na ka bynta ban ïoh jingjop ha ka Third Division Shillong Cricket League 2024-25 ha ka Sngi Balang.
Ha kane ka jingïakhun kaba la long ha madan Urkaliar, Shillong, ka SPC kaba la jop kynting pisa, ka la ailad shwa ïa ka Jong Ngi CC ban tied nyngkong ha kaba ka la ïoh 205 run bad shah pynhap 4 wiket ha ki 20 over. U Ïohbor Dkhar u la khyrwit ïa ka shiteng spah run kaba 52 na ki 45 bol bad u Pynshngaiñ Rymbai u la ïoh 50 run na ki 24 bol. Katba u Kennyneol Sangma bad u Afaque Hussian ki la shim mar 1 wiket na ka bynta ka SPC.
Haba wan beh ïa ka thong, ka SPC ka la ïoh tang 114 run bad shah pynhap 10 wiket ha ki 18.1 over. U Afaque Hussain u la tied 26 run na ki 22 bol bad u Prem u la ïoh 19 run na ki 12 bol. Katba u Donkupar Jyrwa bad u Pynshngain Rymbai ki la shim mar 3 wiket na ka bynta ka Jong Ngi CC. Ïa ka nam ‘Player of the Match’ la ïohpdiang da u Pynshngaiñ Rymbai.
