Shillong, K’lyngkot 29
Ka kynhun ïalehkai ka Jylla kan pynkhreh ïa ka jingïalehkai kaba khatduh ha ka Ranji Trophy 2024-25 Elite Group-A pyrshah ïa ka Mumbai ha ka Sngi Palei ha Bandra Kurla Complex kaba ha Mumbai.
Na ka liang ka kynhun ki nongjied jong ka Jylla kam shym la pynkylla ïa ki kyrteng jong 15 ngut ki rangïalehkai, lait tang u Kishan Lyngdoh uba la wanphai ha ka jaka jong u Wanlambok Nongkhlaw.
Ka Mumbai kan mih madan khlem katto-katne ki khlur ïalehkai jong ka ri kum u Rohit Sharma, u Yashasvi Jaiswal bad u Shreyas Iyer kiba la pynïasoh biang sha ka kynhun ïalehkai ka ri ha shwa ka jingïalehkai ODI ban wan pyrshah ïa ka England.
Wat la katta, ka Mumbai ka dang long ka kynhun kaba kynsai bha bad yn ïalam ïa kane ka kynhun da u rangïalehkai ka India u Ajinkya Rahane kum u kapten. Ka Mum-bai ka donkam ban jop ha kane ka jingïakhun khnang ban jam sha kawei pat ka wat jingïakhun.
Ki rangïalehkai ka Meghalaya na ka bynta ka Ranji Trophy 2024-25 ki long u Akash Kumar Choudhary (C), Anish Charak, Kishan Lyngdoh, Himan Phukan, Arpit Bha-tewara (WK), Baman-bha Shangpliang, Bijon Dey, Dippu Sangma (VC), Jaskirat Singh Sachdeva, Pringsang Sangma, Nishanta Chakraborty, Md Nafees Siddique, Ajay Duhan (BCCI approved guest player), Sumit Kumar (BCCI approved guest player) bad u Anirudh B (BCCI approved guest player). Kiwei pat kiba pynap lypa ki long u Arien B Sangma, Chengkam Sang -ma, Riboklang Hynniewta bad u Lerry G Sangma.
Ki coach ki long u Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer) bad Bah Dister Marbaniang (Manager).
