Washington, K’lyngkot:
U President ka United States- Donald Trump ha ka Sngi Balang u la pynpaw ka jingsngewkhia kaba jur halor ka jingtyngkhuh ka liengsuiñ shipai jong ka US bad ka liengsuiñ paidbah hajan ka nongbah Washington ha ka sngi ba la leit, ha kaba u Trump u la ong ba katei ka jingjia ka dei kaba dang lah ban tehlakam lada ki tnat ba dei khmih ki shim khia bad trei hok ia ka kamram ba la bynshet ha ki.
Namar u la ong ba balei u ‘Control Tower’ um lah ban ai jingmut kumno ban leh ha kum katei ka por, hynrei utei u Tower u shu buh jingkylli pynban la ki iohi ne em ia ka liengsuiñ ha katei ka por. Kumta, u Trump u la ong ba kane ka dei ban long ka jinghikai ia ki tnat ba dei khmih ba kin thaw thymmai bad kin pynkylla dur ia ki tiar ai jingïarap ba kin lah ban iarap ban tehlakam ia kum kine ki jingjia kumba ka long ha kane ka por.
