Pyntikna ka Hamas ïa ka jingïap u khlieh duh nongïalam shipai

Ka Al-Qassam Brigades, kaba long ka tnat ba phiah jong ka kynhun lehnoh Hamas ha ka Sngi Palei ka la pyntip ba u nongialam jong katei ka tnat- u Mohammed Deif, u la dep kyllon...

Gaza, K’lyngkot:

Ka Al-Qassam Brigades, kaba long ka tnat ba phiah jong ka kynhun lehnoh Hamas ha ka Sngi Palei ka la pyntip ba u nongialam jong katei ka tnat- u Mohammed Deif, u la dep kyllon iap hapdeng ka jingiakhun bad ki shipai ka Israel hapoh ka nongbah Gaza.

Ha katei ka khubor ba la pyllait da katei ka kynhun ha ka Sngi Palei, u Lamphang jong katei ka kynhun- u Abu Obeida u la pyn tikna ba u Marwan Issa, uba long u Deputy Chief jong ka Al-Qassam u la dep khlad naduh ki katto- katne por ba la leit ha ka jingleit hiar thma jong ka Israel sha Gaza.

Kumta, katei ka kynhun ka la pynbna bad ong ba ki nongshun ki la dep shim lypa ia ka jingim jong 2 ngut ki nongialam jongka, hynrei ka nam bad ka kyrteng jong kitei ki nong-ialam kan iai im bad kan iai sah lyngba jong ki dkhot bad ki pateng kiba dang sah jong katei ka kynhun.

Shuh shuh ruh u la ong ba katei ka jingshah pyniap dusmon jong ki heh nongialam ka Hamas, kan ym pynduh mynsiem da lei-lei ia ki nong Palestine ba kin ïakhun naka bynta ka hok jongki.