Sdang ka EKHCA ïa ka T20 Cricket League, jop ka Laitkynsew & Cricket Smit

Haba phai sha ki jingïakhun ha katei ka sngi sdang, ka Laitkynsew CC ka la pynliem noh ïa ka Saitsohpen da 3 wiket.

Shillong, Rymphang 02

Ka East Khasi Hills Cric-ket Association (EKHCA) ka la sdang ïa ka lympung ïalehkai 4th District League T20 Cricket Tour-nament 2024 ha ka Sngi Saitjaiñ ha madan Pyn-shadkhurai kaba ha Sait-sohpen, Shohra.

Ha kane ka lympung ki la don haduh 18 tylli ki kynhun ba la phiah la  ki jong ki group. Ha ka Group-A ki long ka Rangskhen ACC, Saitsoh-pen, Laitkynsew C, Thyn-roit SC bad ka Cricket Lovers. Ha ka Group-B ki long ka Royal Rangers, Marbisu SC, Cricket Smit, Sohra Combine CC bad ka Mawryngkneng CC. Ha ka Group-C ki kynthup ïa ka Pomshutia CC, Lumpaïa Avengers CC, Mawphlang bad ka Friends United CC. Katba ha ka Group-D ki long ka Hurdles CC (Mawsynram), Mawmluh CC, Sportopia SC bad ka Laitjem CC.

Haba phai sha ki jingïakhun ha katei ka sngi sdang, ka Laitkynsew CC ka la pynliem noh ïa ka Saitsohpen da 3 wiket. Ka Laitkynsew kaba la jop ïa ka kynting pisa, ka la ailad ïa ka Saitsohpen ba kan tied nyngkong ha kaba ka la ïoh 142 run  bad shah pynhap 7 wiket ha ki 20 over. U Ricky Surong u la khurwit ïa ka shiteng spah kaba 55 run na ki 56 bol. Katba u Kesper Malngiang u la shim 2 wiket naka bynta ka Laitkynsew.

Haba wan shimti ïa ka pali ba ar, ka Laitkynsew ka la lah ban kynjong sha ka thong da kaba ïoh 144 run bad shah pynhap 7 wiket ha ki 18.5 over. U Mortician Malngiang u la tied 41 run na ki 36 bol. Katba u Banrapborlang Pyngrope u la shim 3 wiket na ka bynta ka Saitsohpen. Ïa ka nam Player of the Match la ïohpdiang da u Mortician Malngiang.

 Haba phai sha kawei pat ka jingïakhun ba ar, ka Cricket Smit ka la jop da 7 wiket ïa ka Marbisu CC. Ka Marbisu kaba la shimti ban tied nyngkong, ka la ïoh 116 run bad shah pynhap 5 wiket ha ki 20 over. U Rohan Rai u la tied 34 run na ki 45 bol. Katba u Nikodomas Lyngwa u la shim 4 wiket na ka bynta ka Cricket Smit.

Haba wan shimti ïa ka pali ba ar, ka Cricket Smit ka la lah ban kynjoh sha ka thong da kaba ïoh 117 run bad shah pynhap 3 wiket ha ki 13.1 over. U Nikodomas Lyngwa u la tied 44 run na ki 35 bol. Katba u Shailester Warjri u la shim 1 wiket na ka bynta ka Marbisu. Ïa ka nam Player of the Match la ïohpdiang da u Nikodomas Lyngwa.

Lah ban kdew ba ïa kane ka lympung la wan ban plie da u Bah D. Kynta, Sirdar ka Elaka  Saitsohpen Sirdarship ha kaba la ïadon lang ki dkhot ka executive committee jong ka Durbar Shnong Elaka Saitsohpen, ki dkhot ka Seng Samla Saitsohpen, ki nongïalehkai kriket barim na Sohra lem bad ki dkhot ka EKHCA.