Shillong, Rymphang 03
Ka Sumer FC ka la ïoh jingjop ha ka lympung ïalehkai Maitshaphrang Cup 2025 ba la pynïaid da ka KSU Umsning Circle, hadien ba ka la lah ban pynliem noh ïa ka Mawryngkneng SC da 3-1 kol ha madan Umsning.
Ha kane ka jingïakhun kaba la long ha ka Sngi Saitjaiñ, baroh ar kynhun ki la pyrshang ban ïakhun tyngeh naduh kaba sdang. Ka Mawryngkneng ka la pynkhih jar nyngkong eh lyngba u Blatei Pyngrope ha ka minit kaba 29 na ka bynta ban tam shi kol ha ka kylla step.
Hadien katto katne por ba la bteng ïa ka kylla miet, ka Sumer ka la lah ban pynphai kylla lyngba u Owan Pajuh ha ka minit kaba 50. Kumta shwa ban wai artad ka jingïakhun kane ka kynhun ka la thep biang sa ar kol lyngba u Benny Khriam (85) bad u Ïeitlang Syimlieh (90+2) na ka bynta jop shisyndon.
