Shillong, Rymphang 06
Ka lahduh jong ka aïom ba la dep, ka Mawlai SC ka la shah khanglad ban ïoh jingjop hadien ba ka Langsning ka la lah ban pynphai na ka bynta ban ïakhaid mar 1-1 kol ha ka OC Blue Shillong Premier League 2024, katba ka Rangdajied United ka la jop da 2-0 kol ïa ka Sawmer ha ka Sngi Palei ha SSA Stadium kaba ha First Ground, Polo.
Ha kane ka jingïa-khun u Damanbhalang Chyne (9) u la pynkhih jar nyngkong eh na ka bynta ka Mawlai ha shwa ba u Dauruhipaïa Pale (27) un pynïakhaid na ka bynta ka Langsning. Katba ka jingjop jong ka RUFC ka la wan lyngba ki kol na u Owanijuh Pajuh (67 & 82).
Lada ka la lah ban khur ïa ka jingjop mynta ka sngi kan jin da la pynlong ïa ka Mawlai ban tam da 5 poiñ ïa ka Shillong Lajong FC, kaba la ïakhaid mar 1-1 kol ha ka Sngi Balang pyrshah ïa ka Nongthymmai SC.
Kumba ka paw ki nongïalehkai ka Mawlai ki dang wanphai na ka jingjop ha ka Meghalaya State League ha ka Sngi Saitjaiñ. Ki la pynpaw ïa ka sur ïalehkai kaba tlot bad thait ha kaba kim shym la lah ban ïalehkai naduh ka rukom pashat bol bad wat ha ka bynta kaba shakhmat ha kaba kim shym la lah ban pynurlong ha ka ban thep kol. Katba ki rangïaleh-kai ka Langsning pat ki la nangkiew shaphrang ha ka rukom ïalehkai bad haduh mynta kam pat shah rem ha ki san sien ïakhun.
Ha ka thup kyrdan, ka Mawlai ka dang ïai bteng ban lamkhmat ryngkat 29 poiñ bad tam da 3 poiñ ïa ka Lajong. Ka Rangdajied ruh ka don 29 poiñ, tangba ka la tam shakhmat da arsien jingïakhun ïa kitei ar tylli ki klob. Kane ka kynhun ka la duna ha ka jingthep kol na ka Mawlai, kaba mut ba ki don ha ka kyrdan ba ar ïa mynta. Ka Langsning ka la kiew sha ka kyrdan kaba saw da kane ka jingïakhaid, hynrei ka la ïakhun kham bun ki jingïalehkai ban ïa kiwei pat ki kynhun.
Kane ka lympung kan bteng biang haduh ka Lah Sngi U Blei ha kaba ka Laitkor SC kan ïakhun pyrshah ïa ka Shillong Lajong ha ka por 11 baje mynstep, katba ka Ryntih FC ïa ka Nongthymmai ha ka por 2:30 nohphai sngi.
