Shillong, Rymphang 12
Ka NorthEast United FC kan ïakhun pyrshah ïa ka Jamshedpur FC ha ka Indian Super League (ISL) 2024-25 ha JRD Tata Sports Complex ha ka Sngi Palei ha ka por 7:30 janmiet.
Kham ha shwa ha ka jingïalehkai kaba la long ha Guwahati, ka NorthEast ka la jop da 5-0 kol ïa ka Jamshedpur. Te kumta la khmih lynti ba kine ki kynhun kin pynkhreh ban ïalehkai bha ha kane ka jingïakhun ba ar.
Kumba ka paw ka Jamshedpur FC kam pat shym la shah rem ha kano-kano na ki san tylli jingïalehkai ha la ïing pyrshah ïa ka NorthEast United FC, ha kaba ka la ïakhaid lai sien ha kane ka jingïakhun. Kaba kham paw ka long ba ka NorthEast ka dei tang ma ka, ka bym lah ban ïakhun pyrshah ïa ka Jamshedpur ha kiba bun ki jingïalehkai.
