New York, Rymphang:
Ha kawei ka jingjia, la ong ba uwei u nong New York u la siat iap ia la ka baieid ha shwa ba un siat iap lang noh syndon ialade ha ka step jong ka Sngi Ba-ar.
Kane ka la jia ha Jefferson Avenue, hajan jong ka Knickerbocker Avenue in Bushwick ha ka por kumba 7:30 jong katei ka step.
La ong ba utei u briew uba la don 41 snem ka rta, u la siat iap ia katei ka briew kaba la don 32 snem ka rta shabar ka iingsah jong u ha katei ka thaiñ bad la ong ba utei u briew u la siat 2 kuli ialade ha shwa ba un kyllon noh bad khlem tip briew shuh syndon.
Kito kiba sakhi ia katei ka jingjia ki iathuh ba katei ka briew ka la pyrta jingïarap ha ka por ba utei u briew u dang beh ia ka nadien bad tang kumta hi u la ioh siat ia ka bad ka la kyllon hajuh bad ma u ruh u la siat iap noh syndon ialade hangta hi.
