Shillong, Rymphang 27
Ka Cricket Lovers bad ka Sohra Combine ki la long ki ar tylli ki kynhun kiba la rung sha ka final ha ka 4th District League T20 Cricket Tournament 2024 ba la pynïaid da ka East Khasi Hills Cricket Association bad kin pynkhreh ban ïaknieh ïa ka nam lahduh ha ka sngi Saitjaiñ ha madan Saitsohpen kaba ha Sohra.
Ha ka jingïakhun semi final kaba la long ha ka sngi Palei, ka Cricket Lovers ka la pynliem noh ïa ka Laitjem CC da 72 run. Ka Cricket Loves kaba la kam trai ban tied nyngkong, ka la kamai 185 run bad shah pynkhyllem 9 wiket ha ki 20 over. Kane ka la wan lyngba ka jingïalehkai bha u Shavian Blah uba la ïoh ban khyrwit ïa ka shiteng spah kaba 69 run ba ki 40 bol. Katba u Newrilang Wankhar u la khur 4 wiket ha ki 4 over.
Haba wan beh ïa ka thong, ka Laitjem ka la kamai tang 119 run bad shah pynhap 9 wiket ha ki 18.4 over. U Poilang Thawmuit u la tied 21 run na ki 27 bol. Katba u Damechwa Khongsngi u la khur 2 wiket ha ki 2 over bad ban ïohpdiang ïa ka nam Player of the Match.
Haba phai sha kawei pat ka jingïakhun kaba ar, ka Sohra Combines ka la jop da 66 run ïa ka Friends United CC. Ka Sohra Combines kaba la shimti ban tied nyngkong, ka la kamai 170 run bad shah pynhap 7 wiket ha ki 20 over. U Ryan Emi Swer u la tied 36 run na ki 22 bol. Katba u Nangkiewkor Moore Don u la khur 2 wiket ha ki 4 over.
Haba wan beh ïa ka thong, ka Friends United ka la kamai tang 104 run bad shah pynhap 8 wiket ha ki 20 over. U Nangkiewdor Moore Don u la tied 41 run na ki 38 bol. Katba u Kevin Diengdoh u la khur 3 wiket ha ki 4 over. Ïa ka nam Player of the Match la khur da u Ryan Emi Swer.
