Kyiv, Lber:
U President ka Ukraine, u Volodymyr Zelensky, hadien ba u la dep kular ba un ieh noh ia ka shuki President jong katei ka ri lada ka US bad ka NATO kan pdiang bad pynrung ia ka Ukraine kum ka dkhot ba pura jong katei ka kynhun, ha ka Sngi U Blei pat u la ong ba kam long kaba suk ia u ban hiar shuki noh na ka kyrdan nongialam jong ka ri kaba u bat. Hynrei u la kular ba un leh katba lah ban pyn urlong ia ka jingangnud jong u ban pynrung ia ka Ukraine hapoh ka kynhun NATO.
Namar u President ba thymmai ka US- u Donald Trump, u la ai jingmut ia u Zelensky ba nun hiar shuki noh lada u kwah ba ka Ukraine kan ioh iasuk noh bad ka Russia hadien ba ka thma jong ka Ukraine ka la neh mynta la 3 snem tam.
Hynrei u Zelensky u la ong ba lada ka US ka kwah ban pynkylliang noh ialam Ukraine bad ban pynhiar shuki noh ia u ruh, ka US ka dei ban pyntikna shwa pat ia ka jingshngaiñ bad ka jingiada bad kumjuh ruh ka jingkyrshan ba pura naka bynta ka Ukraine, kynthup ia ka jingpynrung ia ka Ukraine hapoh jong ka kynhun NATO.
