Ki jingleh niam bad ki jingïaseng jongngi kiba ngi ju pynlong man ka Sngi U Blei (Sunday) kam dei ka jingïalam bakla ïa ngi ki briew. Namar balei nga ong kumta, ka long namar haba nga pule ïa ka ktien u Blei ka ong, ym don uba hok em, ym don uwei ruh ym don uba shemphang, ym don keiñ uba wad ïa u Blei (Rom 3 : 10 – 11).
Te haba kumne haba ngi pynlong ki jingïaseng, ki jingïarwai, ki jingduwai ngi la wad ïano keiñ. Haba ka ktien u Blei hi ka ong, ym don keiñ uba wad ïa u Blei. Kumta ki kam ïalap niam kim dei keiñ ki jingïalap ban wad ïa u Blei.
Ki dei ki jingïalap ba kynja pyrthei jong ngi ki briew. Namar ka ong ruh baroh ki la leh pop bad ki la duh lehnohei ïa ka burom ka jong u Blei.
Namar ban ïalap ne leh niam haduh ban da iap ruh ym don jingmyntoi ïa ngi ki briew. Kaba kut hi ka long ba ngin iap bad ngin ïeh noh ïa kane ka pyrthei.
Ym don uba lait im na ka sñi ka jingiap watla ngi long kiba khraw katno katno ruh ne kiba rit ngi hap ban ïaid lyngba kane ka jingiap ka bym ju map ïano ïano ruh.
C. B. Iawphniaw
