Nongstoiñ, Lber 05
Ka Men Legends Group (MLG), West Khasi Hills Nongstoiñ ha ka janmiet jong ka 5 tarik u Lber 2025 ka la ïoh ban plie pyrda ïa ka lympung ïalehkai Futsal ba la tip ruh kum ka MLG League 4 Futsal Tournament 2025.
Haba phai sha katei ka jingplie pyrda ïa katei ka lympung ïalehkai Futsal ka kynhun ïalehkai jong ka Eh- Rngiew FT ka la ïoh jingjop da kaba ka la lah ban pynliem noh da 7 la 2 kol ïa ka Eh- Daw FT ha ka jingïalehkai pyrshah kaba la long ha Leonel Futsal Arena Pyndengrei.
Ha katei ka sngi u Bah V.D. Sangahiwot Rymbai MPS, Commandant jong ka 4th MLP Bnb Shopian West Khasi Hills u la long kum kongsan ha ka jingdonlang ruh ki dkhot jong ka MLG bad kiwei-kiwei de.
Lah ban kdew hangne ba ha kane lympung ki la don haduh 17 tylli ki kynhun ïa kaba ka MLG ka la phiah ha la ki jong ki jong kiba dei hi ki dkhot kiba la pynïasoh sha ka MLG. Nangta, ka jingthmu jong katei ka lympung ka long tang ban ïoh ïa ka met kaba koit kaba khiah bad ban pynsngew iwei-ïa-iwei pat ha ka imlang ka sahlang.
Na ka liang ka MLG, ïa katei ka lympung ka la rai ban pynlong ha ki lai tylli ki madan Futsal kiba don ha ka sor Nongstoiñ ba kynthup ïa ka Leonel Futsal Arena Pyndengrei, Nongrim Futsal playground bad Nondein Futsal playground.
