Shillong, Lber 06
Ka N.F.U Cricket Club ka la ïoh jingjop ha ka Super Division Cricket League 2024-25 ba la pynïaid da ka Shillong Cricket Association hadien ba ka la pynliem noh ïa ka United XI da 36 run ha ka Sngi Palei.
Ha kane ka jingïakhun kaba ka long ha madan Polo, ka N.F.U ka la kam trai ban tied nyngkong ha kaba ka la ïoh 249 run bad shah pynkhyllem noh 7 wiket ha ki 45 over. Hynrei haba wan beh ïa ka thong ba la buh da ka liang pyrshah, ka United XI ka la ïoh tang 213 run hadien ba la shah pynhap 9 wiket ha ki 44.4 over. Ïa ka nam Player of the Match la ïohpdiang da u Kevin.
