Shillong, Lber 07
Ka Nongmensong Cricket Club ka la pynliem noh ïa ka Sputnik Spartan da 46 run na ka bynta ban ïoh jingjop ha ka Super Division Shillong Cricket League 2024-25 ha ka Sngi Thohdieng ha madan Polo.
Ha kane ka jingïakhun, ka Nongmensong ka la kam trai ban tied nyngkong ha kaba ka la ïoh 135 run bad shah pynhap 10 wiket ha ki 36.2 over. U Kush Agarwal u la tied 47 run na 80 bol bad u Pushkar Singh u la ïoh 43 run na 63 bol. Katba u Dilwar Khan u la shim 4 wiket bad 2 wiket na u Robert Sangma na ka bynta ka Sputnik.
Haba wan shimti ïa ka pali ba ar, ka Sputnik Spartan ka la ïoh tang 89 run bad shah pynhap 10 wiket ha ki 26 over. U Robert Sangma u la tied 44 run na 101 bol. Katba u Anish Charak bad u Jaskirat ki la shim mar 2 wiket na ka bynta ka Nongmynsong. Ïa ka nam ‘Player of the Match’ la ïohpdiang da u Jaskirat Singh.
