Nongstoiñ, Lber 07
Ka lympung ïalehkai Super Division jong ka NDSA Premier League Football Tournament 2024-25 ka la nangjam shaphrang ha kaba ka Nongstoiñ FT ka dang long ka kynhun kaba lamkhmat da kaba ïoh 12 point na saw sien ïakhun katkum ka miej khieñ poiñ.
Nangta ka kynhun ïalehkai jong ka Mawlarshong SC ka la don ha ka kyrdan ba ar ryngkat 9 poiñ na lai sien ïakhun.
Haba phai biang sha ka jingïalehkai Super Division kaba la long ha ka Sngi Thohdieng, ka Mawlarshong ka la pynliem noh ïa ka Khliehmawlieh YC da 2-0 kol ha madan New Nongstoiñ.
Shuh shuh ka jingjop jong ka Mawlarshong SC ka la wan ruh lyngba ki kol ba la thep da u Shaipharlin Nongsiej ha ka minit kaba 48 bad 83.
Haba phai pat sha ka First Division, ka Steplanglur SC ka la ïasam mar shi poiñ bad ka Porniangkhong hadien ba kim shym la lah ban thep kol haduh kaba kut ka jingïalehkai.
