Imphal, Lber:
Baroh ki la don 16 jait ki tiar ïaleh bapher bapher, ha ryngkat ki tiar siat bapher bapher bad kiwei kiwei ki tiar pynbthei, la aiti mon sngewbha da ki paidbah ha ki jaka bapher bapher ha kylleng ki distrik Bishnupur, Imphal East, bad Imphal West ha ka 4 tarik u Lber, 2025.
Ha Bishnupur distrik, ki la don ki tiar ïaleh ba la aiti ha ki thanat bapher bapher.
Ha ka CDO Unit kaba hap hapoh jong ka Bishnupur Police Station, ki tiar kiba la pyndem ki kynthup ïa ar tylli ki suloi SLR kiba don ar tylli ki Magazine kiba thylli, kawei ka suloi INSAS kaba don ar tylli ki Magazine kiba don 36 tylli ki kuli, kawei ka LMG Magazine kaba thylli kaba don khyndai tylli ki Extra Round, kawei ka suloi .303 kaba don 2 tylli ki Magazine, uwei u Smoke Shell, lai song ki kuli .303, 15 song ki kuli, ka SBBK Gun, san tylli ki tiar pynbthei, bad uwei u bom kawang kti.
Ha Kumbi Police Station la pyndem noh ïa ar tylli ki suloi Bolt-Action ba la shna na la ka jong ka ri bad kawei ka pistol ba la shna na la ka jong ka ri kaba don uwei u Magazine.
Nalor kata, ha PGCI Police Station la aiti ruh ïa kawei ka suloi Submachine Gun (SMG) kaba don ïa ka Magazine ba thylli bad kawei ka suloi kaba don tang kawei ka ktang.
Ha Imphal East distrik, ki tiar ïaleh ki la wan pyndem ha ki thanat bapher bapher.
Ha ka CDO Unit kaba hap hapoh Porompat Police Station, ki tiar kiba la pyndem wait ki kynthup ïa kawei ka pistol 9mm ryngkat bad u Magazine, 10 tylli ki kuli 9mm, 15 tylli ki kuli 5.56mm, hynñiew tylli ki kuli .38mm, hynriew tylli ki kuli 12-bore, ar tylli bom kawang kti ba No. 36, u Stun Grenade, ka Bullet Proof Jacket, ar tylli ki helmet, ar tylli ki Bulletproof Plates, ar tylli ki Magazine Posts, 14 tylli ki 14 SLR rifle charger clips bad saw song ki kuli bym pat pyndonkam.
Ha Andro Police Station, uwei u bom kawang kti bad u tiar pynbthei, u bom uba la rim uba don ka jingkhia kaba 5kg, 7 tylli ki suloi M16, 4 tylli ki suloi AK, 21 tylli ki kuli thylli jong ka suloi INSAS, 17 tylli ki kuli thylli jong ka suloi 9mm, 14 tylli ki kuli ba la thylli jong ka 7.62mm, 298 tylli ki kuli thylli jong ka suloi .303, ar tylli ki kuli bym pat pyndonkam, kawei ka Fiber helmet, bad 8 tylli ki bulletproof jaket ba la aiti.
Ha Irilbung Police Station, la aiti noh ïa kawei ka pistol kaba la shna, lai song ki kuli 7.62mm, 6 tylli ki kuli 12-bore, 6 tylli ki kuli anti-riot shell, lai tylli ki bulletproof jaket, bad lai tylli ki bulletproof plate.
Ha Imphal West District, ki tiar kiba la wan pyndem ha Mayang Imphal Police Station ki kynthup ïa kawei ka suloi SBBL, uwei u bom kawang kti .36 HE, lai tylli ki kuli pynmih tdem, uwei u kuli pynmih tdem (softnose), san tylli ki kuli SBBL, san song ki kuli SLR san song ki kuli .303, uwei u kuli AK, kawei ka pistol .32 (USA), lai tylli ki song jong ki kuli .303, kawei ka song jong ki kulit AK, ka pistol .32 (USA), lai song ki kuli .32, san tylli ki Baofeng Handheld set, ar tylli ki helmet, saw tylli ki Baofeng Handheld Set Charger, kawei ka bulletproof plastik plate, ar tylli ki sop jong ka bullet proof, ka Pumpei kaba la pynkylla dur, saw jur ki juti, ka juti. Ki Camouflage Shirt, Pant, bad Jacket.
Ïa ki tiar ïaleh bad ki kuli ba la aiti la phah sha ki thanat pulit bapher bapher na ka bynta ban leh ïa kaba donkam.
Ki bor synshar ki la ai khublei ïa ka jingïatreilang jong ki paidbah ban pynthikna ha ka ban wanrah biang ïa ka shongsuk-shongshngaiñ ha ka thaiñ.
