Guwahati, Lber:
Ki seng ka liang pyrshah ha Assam ha ka sngi Thohdieng ki la kyrpad ïa ka song tyngka kaba kyrpang ban weng ïa ki jingbym ïahap ha ka roi ka par ha ki jaka rep jhur harud wah jong ka jylla, da kaba pynpaw ïa ka jingduna jong ki jingdonkam ba kongsan kum ka pule puthi, ka koit ka khiah, bad ki jingtei.
U MLA ka Congress u Abdul Batin Khandakar u la wanrah ïa ka Resolution hapoh ka ïing dorbar jong ka Assam, ha kaba u la kyntu ïa ka sorkar ban pynbiang ïa ki song ban tyrwa na ka bynta ban kyntiew ïa kine ki jaka ba duna ka jingshakri. U Khandakar u la ban jur ba kine ki jaka rep jhur, kiba bun ki shong ki sah da ki Bengal-Muslim, ki ïakynduh ïa ki jingeh kum ka jingduna ka jingnang jingstad, ka jingbym biang ki jingshakri ha ka koit ka khiah, bad ka jingroi jong ki briew, kiba khanglad ïa ka roi ka par baroh kawei.
U Khandakar u la ai jingmut ba ka jingpynbha ïa ka jingnang jingstad bad ka jingkyntiew ïa ki kam kamai ha kine ki jaka ka dei ban long kaba kongsan. U nongthaw aiñ ka Congress u Abdur Rasheed Mandal u la khot ruh ban jurip bniah ïa kine ki jaka ha kaba ïadei bad ka mang tyngka ba kyrpang ban pynbiang ïa ki jingdonkam jong ki ha ka roi ka par.
Ki nongthaw aiñ jong ka AIUDF u Ashraful Hussain bad u Rafiqul Islam ki la kyrshan ïa kane ka jingdawa, ha kaba u Hussain u la kdew ba ïa ka jingjurip ba khatduh ïa ka imlang-sahlang jong kine ki jaka la leh ha u snem 2003. U Islam u la pynpaw ïa ka jingsngewkhia halor ka jingbym don hok halor ka khyndew ka shyiap bad u la kyntu ïa ka sorkar ba kam dei ban pynlong tang ïa ki jingjurip ïa ki jaka hapoh ka Basundhara kumba ka long 4.0. hynrei la dei ban pyntikna ba ïa kane ka khyndew la dei ban pynbeit ïa ki jingeh kiba ïadei bad ka khyndew ka shyiap.
Haba jubab halor ka jingpyrshah, u Myntri ka tnad Parliamentary Affairs u Chandra Mohan Patowary, na ka liang jong u Myntri ka Minority Affairs, u la pynshai ba ka jingpynslem ban pyllait ïa ka pisa ka dei namar ka jingsahkut ka Utilization Certificate (UC) naduh u snem 2008. U la pynthikna ba ka sorkar ka dang trei ban pynbeit ïa ka mat bad ki jingthmu jong ka sorkar pdeng.
U Patowary u la kynthoh ba ka sorkar ka la dep ban trei ïa ki skhim bapher bapher na ka bynta ka bha ka miat jong ki jaka rep harud wah bad u la kam ba kam donkam ïa ka song tyngka kaba kyrpang. Hadien ka jubab jong u Myntri, u Khandakar u la weng noh ïa katei ka rai, da kaba kyntu ïa ka sorkar ban pynleit jingmut ha kaba pynduna ïa ka jingpep skul bad ban thaw ïa ka jingsngewthuh shaphang ka jingpynïaid ïa ka jingbun briew ha ki jaka rep jhur.
