Washington, Lber:
Katba ka jingpynkiew khajna jong u President ka America Donald Trump na ka bynta ka Mexico, Canada bad China, ka dang sdang treikam ha ka Sngi Ba-ar, ka Ottawa bad China pat ki la pynkhreh lypa da ki lad jingïakhun kiba thmu ban ïada ïa la ki hok bad ki jingmyntoi.
Kum shi bynta ban ïakhun pyrshah ïa ka jing-leh jong u Trump, ka China ruh ka la thmu ban khñiot ia ka US ha ka liang ki mar rep bad mar bam jong ka US.
Ka President jong ka Mexico, ka Claudia Sheinbaum, ka la byrngem ruh ba kan jubab halor ki sienjam jong U Trump, da kaba ong “Ngi don ïa ka Plan-B, C, D.”
Kumjuh, u Myntri Rangbahduh jong ka Canada, Justin Trudeau ha ka sngi Nyngkong u la ong ba “kam don kano-kano ka jingpynshisha” na ka bynta ki kam jong ka United States bad u la kular ban buh dor ïa ki mar ki ban wan na US naduh ka Sngi Balang.
U la ong ruh ba ka ri jong u kan siew kylliang da kaba buh dor 25% ia ki mar khaii jong ka United States.
