New Delhi, Lber:
Wat hadien san snem ba ka pyrthei ka la ïaid lyngba ia ka khlam Covid-19, hynrei la ong ba ka jingwan lynshop jong kane ka khlam ha kitei ki snem ka dang ktah jur ia ka ioh- ka kot bad ka jinglong- jingman ha ka pyrthei haduh kine sngi mynta.
Namar ka jingdap ram jong ki sorkar jong ki ri bapher bapher naduh ki por jong ka khlam Covid, ka dang ktah ia ka ioh- ka kot jong kitei ki ri haduh kane ka por. Don ruh ki ri bym lah shuh ban khie-khlieh ia kaei kaba ki la duhnong bun ha kito ki por jong ka khlam namar jong ka khangdam ban lah ban tehlakam ia ka jingpur stet bad ka jingsaphriang kulmar jong u khñiang jingpang Covid-19 ha kitei ki snem ba la leit.
