Nongstoiñ, Lber 11
Ka Pyndengrei SCSC ka la pynliem noh da ka sait ïa ka Nongstoin FT da 2-1 kol ha ka Super Division jong ka NDSA Premier League Football Tournament 2024-25 ha ka Sngi Ba-ar ha madan New Nongstoiñ.
Kane ka jingïakhun hapdeng kine ar tylli ki kynhun ba radbah jong ka Super Division, ka la long shisha kaba itynnad bha. Ïa kane la sakhi ruh na ka jingwan tuid jong bun ki paidbah ‘riew ïeit phutbol jong ka thaiñ.
Ïa ki ar tylli kol jong ka Pyndengrei la ïoh ban thep da u Silvester Thongni ha ka minit kaba 26 bad u Otovi A Sangma (85), katba ïa ka shi kol jong ka Nong-stoiñ la thep da u Resfulbest Marbanniang (54).
Haba phai sha ka First Division, ka Nongpyn-deng SS&CC ka la ïoh jingjop hadien ba ka la pynliem noh ïa ka Nong-lwai II SC da 2-0 kol ha madan New Nongstoiñ.
