Khliehriat, Lber 11
Ka tnat ïalehkai jong ka Sorkar Jylla ryngkat ka jingïatreilang bad ka shlem treikam District Sports Officer (DSO), East Jaiñtia Hills District bad ka Rymbai Govern-ment Higher Secondary School, ki la pynlong jingïakob siatkhnam (Ar-chery) ha ka Lah Sngi U Blei ha madan Rymbai Wahshnong, East Jaiñtia Hills District.
Ha kane ka sngi la donlang ka DSO Kong Stephanie M. Rapsang, ka Principal jong ka Rymbai Government HSS, Rym-bai, ka Kong Younilas Lamare, Finance Secre-tary ka shnong Rymbai Bah C. F Bareh, General Secretary, East Jaiñtia Hills District Sports Association (EJDSA), Bah Coming Tlang nalor kiwei pat.
Ha kane jingïalehkai la wan ïashim bynta shitrhem da ki kynthei naduh ka kyrdan Senior, Junior bad Sub-Junior. La sam ruh ïa ki khusnam pisa sha baroh ki nongjop, ha kaba kiba wan ba nyngkong ki la ïoh ïa ka song pisa kaba T. 1500, ba-ar T. 1000 bad balai T. 500/.
Ha ka kyrdan Senior Individual, ka Isabella Tlang ka la long ka lahduh ha kaba la bud sa ka Gratify Nongpluh bad balai ka Aibanhun Lyng-doh. Ha ka Junior Indivi-dual, ka Jasmine Nong-pluh ka la long ka nam jop, katba ïa ka kyrdan ba-ar bad balai la ïoh da ka Ebanroiki Bareh bad ka Fatima Lyngdoh.
Ha ka Sub-Junior Individual, ka Philawan-shwa Thoo ka la wan ha ka kyrdan ba nyngkong, katba ïa ka kyrdan ba-ar la ïoh da ka Tredaka Nongtdu bad balai ka Victoria Rymbai.
