Te mynba ki khun Israel ki la don ha kata ka ri khlaw, ki la shem ïa uwei u briew uba lum prew ha ka sngi Sabbaton. Kita te kiba la shem ïa u ki la wallam ïa uta uba lum prew ha u Moses bad ha u Aaron, bad ha u paidlang baroh. Ki la set byndi ruh ïa u, naba ym pat shym la pynpaw aiu ka dei ban leh ïa u.
U Trai te u la ong ïa u Moses ïa uta u briew ka dei shisha ban pyniap noh, u paidbah baroh kin ïa lynthem maw ïa u da ki maw shabar ka jaka shong dara. Bad uta u paidlang baroh ki la leit lam ïa u shabar kata ka jaka shong dara, bad ki la lynthem maw ïa u ta ki maw bad u la iap, kumba la hukum U Trai ïa u Moses.
Haba u Blei mynshuwa u phah pyniap noh ïa kiba pynkheiñ ïa ka Sabbaton U Trai. Katba mynta pat la kylla ktien bad ym don shuh ban lynthem maw ïa kiba pynkheiñ ïa ka Sabbaton. Te kane kam dei ka jingkylla jong u Trai ha ki por ba mynshuwa bad mynta kam la hap shuh. Sa pyrkhat sani bha ïa kane ka jingphla ka jong u Trai.
C. B. Iawphniaw
