Shillong, Lber 13
Ka kynhun ïalehkai phutbol ka ri India kan wan poi ha ka nongbah Shillong mynta ha ka Sngi Thohdieng na ka bynta ban pynkhreh ïa ki ar tylli jingïalehkai ki ban pynlong ha Jawaharlal Nehru Stadium.
Kine ki kynthup ïa ka jingïalehkai paralok pyrshah ïa ka Maldives ka ban long ha ka 19 tarik bad ka AFC Asian Cup 2027 Qualifiers Final Round Group-C pyrshah ïa ka Bangladesh ka ban long ha ka 25 tarik mynta u bnai.
Shwa ba katei ka kynhun kan wan poi ha kane ka nongbah, na ka liang ka Meghalaya Foot -ball Association (MFA) hapoh ka jingïalam u Bah Hamletson Dohling kum President, ka la pdiang sngewbha ïa u manager ka kynhun Velu Dhayalamani ha ka Sngi Palei.
Katei ka synjuk ka la pynpaw ruh ba ka Maldives kan wan poi ha ka 16 tarik bad ka Bangladesh kan poi ha ka 20 tarik mynta u bnai.
Ka jingdie ïa ki tiket kan sdang naduh ka Sngi Thohdieng naduh ka por 4 baje janmiet.
