Russia Ukraine, Lber:
Ha ka sienjam kaba kongsan ban pynduna ïa ka jingkulmar, u President ka Russia u Vladimir Putin u la mynjur ïa ka jingsangeh ïasiat thma kaba shipor, kaba la pynsangeh ïa ki jinghiar thma ïa ki jaka pynmih bor ding jong ka Ukraine hadien ka jingïakren lyngba ka phone kaba kaba kham slem bad u President ka US u Donald Trump. Hynrei u nongïalam jong ka Russia u la sangeh noh ban aiti ïa ka jingsangeh ïa ka jingïasiat kaban lam sha kaba heh, hynrei kaba pynduh jingkyrmen ban pynkut noh kloi ïa ki jingïaleh pyrshah.
Ka jingïakren lyngba ka phone ka la pynlong ïa ka jingïateh kular ba nyngkong hapdeng u Putin bad u Trump ban sangeh noh ïa ka jinghiar thma ïa ki jingtei ba kongsan jong ka Ukraine ha ka bording. U Trump, uba la batai ïa kane ka jingïakren kum kaba “bha bha bad kaba seisoh” ha ka rynsan Truth Social jong u, u la pynpaw ïa ka jingkyrmen halor ka jingkiew shaphrang sha ka jingsangeh thma kaba pura bad ban pynkut noh ïa ka thma.
“Ngi la mynjur ban sangeh thma mardor halor baroh ki jingthmu ban hiar thma ïa ki bording bad ki jingtei, da ka jingsngewthuh ba ngin trei kloi ban poi sha ka jingsangeh siat kaba pura bad, ha kaba kut, ban pynkut noh ïa kane ka thma kaba shyrkhei bha hapdeng ka Russia bad ka Ukraine,” la thoh u Trump.
Wat hapdeng kane ka jingpynbna, ka jinglong jingman ha ka jaka ha Ukraine ka dang don hapdeng ka jingsynjor bad ka jingma. Hadien katto katne kynta ka jingïakren ha ka phone, ki siren jong ki liengsuiñ ki la sawa ha kylleng ka Kyiv katba ki drone jong ka Russia ki la ap lupa ban hiar thma ïa ka nongbah. U President ka Ukraine, U Volodymyr Zelenskyy, u la pynthikna ba ka Russia, ka la pynher palat 40 tylli ki drone, ha ki jingtei jong ki riew paidbah, ba kynthup ïa kawei ka Hospital, kaba don shaphang shatei lam mihngi jong ka Sumy. “Ha kiba bun ki thaiñ, ngi lah ban ïohsngew thikna ïa kaei kaba ka Russia ka kwah,” ong u Zelenskyy, da kaba ai dak ïa ka jingbteng jong ka jingleh donbor wat hapdeng ka jingïateh kular ban sangeh thma shipor.
