New York, Lber:
U President jong ka US, U Donald Trump, u la jied ïa uwei u heh jong ka tnat liengsuiñ ha ka thaiñ ban ïalam ïa ka tnat pynïaid liengsuiñ jong ka Sorkar Pdeng ha ka Sngi Nyngkong katba ka tnat ka dang ïakhun pyrshah ïa ki jingeh halor ka jing bym-shngaiñ hadien ka jingiatyngkhuh liengsuiñ kaba la wanrah ia ka jingiap kaba jur ki bnai ba la leit.
U Trump, u la jied ïa u Bryan Bedford, u ba long ruh u heh duh jong ka Republic Airways, ban ïalam ïa ka tnat kaba pynïaid ïa ka US Air Traffic Organisation bad kaba dei khmih halor ka jingshngaiñ jong ka tnat liengsuiñ Boeing hadien ba la mih bun ki jingeh kiba la paw pyrthei bha ha kine ki sngi.
U Trump, ha ka jingthoh jong u, ha ka rynsan ‘Social Media’ jong u, u la kdew ia ka jingshemphang jong u Bedford, ha ki laiñ ka kam liengsuiñ, kaba u la ïaid lynti mynta la palat lai phew snem.
