Shillong, Lber 25
Ka MLP Sohra bad ka Ribhoi Office Combine ki la ïoh jingjop ha ka Inter Office Cum Corporate League T20 Cricket Tournament 2025 ba la pynïaid da ka East Khasi Hills Cricket Association ha ka Sngi Ba-ar.
Ha kane ka jingïakhun kaba la long ha madan Saitsohpen kaba ha Sohra, ka MLP Sohra ka la pynliem noh ïa ka Exporter XI da 69 wiket. Ka MLP Sohra haba jied shwa ban tied nyngkong ka la ïoh 218 run bad shah pynhap 3 wiket ha ki 20 over. U Bernard Sangma u la long u nongtied uba ïalehkai bha da kaba ïoh 71 run na ki 51 bol. Katba u Sudhir Chaudhary kum nongkawang bol u 1a shim 1 wiket bad ai 27 run ha ki 3 over.
Haba wan beh ïa ka thong, ka Exporter XI ka la ïoh tang 149 run bad shah pynhap 6 wiket ha ki 20 over. U Sudhir Chaudhary u la tied 36 run na ki 37 bol. Katba u Terry Dkhar kum nongkawang bol u la shim 3 wiket bad ai 19 run ha ki 4 over. Ïa ka nam Player of the Match la ïohpdiang da u Johnward Marak.
Haba phai sha kawei pat ka jingïakhun kaba ar, ka Ribhoi Office Combine ka la jop da 10 wiket ïa ka Sohra Labour Union. Ka Sohra Labour Union haba kam trai ban tied nyngkong, ka la ïoh 37 run bad shah pynhap 10 wiket ha ki 13.5 over. U Jona Lyngdoh Nonglait u la tied 14 run na ki 22 bol. Katba u Ganesh Sahani u la shim 3 wiket bad ai 13 run ha ki 2.5 over.
Haba wan shimti ïa ka pali ba ar, ka Ribhoi Office Combine ka la lah ban kynjoh sha ka thong da kaba ïoh 39 run ha ki 2 over. U Plielad Makri u la tied 18 run na ki 6 bol. Ïa ka nam Player of the Match la ïohpdiang da u Ganesh Sahani.
