Seoul, Lber:
Ka Samsung Electronics, kaba heh bha ha ka tech jong ka South Korea, ka la iathuh ha ka Sngi Ba-ar ba u Co-chief Executive Officer jong ka u Han Jong-hee, u la khlad noh na ka jingsangeh tied kynsan u klongsnam. U Han u la don 63 snem ha kane ka por.
U Han, u dei uba dei khmih ïa ka tnat jong ki tiar pyndonkam electronics bad mobile jong ka Samsung, katba uwei pat u co-CEO, u Jun Young-hyun, u peit ïa ki laiñ ‘chip’ jong katei ka kompeni ba heh tam hapoh South Korea.
Ka khubor jong ka jingkhlad noh jong u Han ka long ruh ha kum kane ka por ba ka Samsung ka ïakynduh jingeh bha na ki nongïaleh pyrshah na China ha ka ïew jong ki ‘Smartphone’ bad kumjuh ha ki TV bad kiwei kiwei ki kam die tiar pyndonkam. Namar la ong ruh ba ka Samsung ka la aiti ruh ia ka iew jong ki smartphone sha ka Apple.
U Han u la khlad noh na ka jingpang kyndit katba u dang leit thiah ban shah sumar ha katei ka hospital ha ka por shuti jong u, la ong u nong-aiktien jong ka kompeni bad bynrap ba ym pat lah ban rai ia u nongmihkhmat jong u.
Haba iadei bad kane, la ong ba ka iew jong ka Samsung ka la hiar bha ha kane ka taïew haba peit thuh ia ka ioh- ka kot jong katei ka kompeni naduh ba une u heh u la kem pang.
La thung ia u Han kum u Vice-Chairman bad u CEO jong ka Samsung Electronics ha u snem 2022 bad u long ruh uwei na ki dkhot jong ka Board jong katei ka kompeni.
