Shillong, Lber 27
Ka Mawshbuit Boxing Club (MBC) ryng-kat ka jingïatreilang bad ka Boxing Association of East Khasi Hills District (BAEKHD), kan pynlong ïa ka Mawshbuit Invitational Boxing Competition 2025 ha ka 4 bad ka 5 tarik u Ïaïong mynta u snem.
Ïa kane ka jingïakob yn pynlong ha madan ïalehkai phutbol jong ka Dong Nongpdeng, Mawshbuit naduh ka por 2 baje nohphai sngi.
Ïa kane ka jingïakob yn pynlong ryngkat ka jingïarap na ka District Sports Promotion Society bad ïa ki jingïakob yn pynlong ha ka kyrdan Sub Junior, Junior & Senior kynthei bad shynrang. Kane ka long katkum ka kyrwoh ba la phah da u President, Bah Teibor Kharkongor bad General Secretary Bah Wanpynkhraw Nongkhlaw.
