Shillong, Lber 28
Ka FIFA, ka la pynpaw ba ka lahduh ha ka Club World Cup ka ban sa long shen ha America kan ïohpdiang ïa ka khusnam pisa kaba haduh $125 million.
Kane ka jingpynbna ka long shi bynta jong ka jingpynkylla kaba bniah ïa ka jingmang pisa na ka bynta ka khusnam baroh kaba la kot sha ka $1 billion na ka bynta kane ka lympung, kaba la buh ban sdang naduh ka 14 tarik u Jylliew haduh 13 tarik u Naitung, kaba kynthup ïa ki 32 tylli ki kynhun.
Ka buit sam ka batai ba $525 million yn sam mar katjuh hapdeng ki kynhun kiba ïashim bynta, ha kaba yn mang sa $475 million katkum ka jingïalehkai jong ki kynhun ha baroh kawei ka jingïalehkai.
Ïa ka $525 million yn sam mar katjuh hapdeng ki kynhun kiba ïashim bynta, ha kaba yn mang sa $475 million katkum ka jingïalehkai jong ki kynhun ha baroh kawei ka jingïalehkai.
Ka rukom sam khusnam ka pynthikna ba ka kynhun kaba jop hadien ba ka la ïakhun ha ki hynñïew tylli ki jingïalehkai, ka lah ban lum haduh $125 million, kynthup ïa ki khusnam katkum ka jinglah ban lehkai bha ki kynhun.
Ka jingai ïa ka khusnam ka ïapher shibun ha ki jaka bapher bapher jong ka dewbah. Ki klob jong ka Europe kin ïoh hapdeng mar $12.81 bad $38.19 million, ka jingkheiñ kaba yn sa pynkut noh katkum ka jingpynïasoh lang ïa ki jingjop ha ka jingïalehkai bad ka die ka thied.
U President ka FIFA u Gianni Infantino u la pynpaw ba kane ka rukom sam khusnam ka long ka dak kaba khraw tam na ka bynta ka lympung kaba don ïa ki kynhun ha baroh ar tylli ki group bad ha ka knockout.
“Ka rukom sam ka pyni ïa ka khusnam pisa kaba heh tam kaba la ju ai sha ka jingïakob kaba kynthup ïa ka jingïalehkai group bad ha ka knockout,” la ong u Infantino.
