Shillong, Lber 31
Kum shi bynta ban rakhe ïa ka International Year of Cooperatives 2025, ka shlem treikam jong ka Registrar of Cooperative Societies ha ryngkat ka shlem treikam u District Sports Officer (DSO), East Khasi Hills District, ki la lah ban pynlong ïa ka “Cooperatives for Sus-tainable Development 5K Run” ha ka 29 tarik u Lber.
Ïa kane ka jingïakop mareh la sdang bad pynkut ha Golf Club, Golflinks, Shillong, ha kaba la wan shim bynta kumba 500 ngut. Ka Kong W.A.M Booth (IAS), Registrar jong ka Cooperative Societies ka la kaweh ïa ka lama bad ban plie ïa kane ka jingïakop.
Ha ka 5K Open Category jong ki shynrang la jop da u Daniel Lyngdoh Wahlang (15 :07 sekhon), ba-ar u Marshal Wanñiang (15:08 sekhon) bad balai u Iwelljohn Ram-siej (15:32 sekhon). Katba ha ka liang ki kynthei la jop da ka Marqueenless Ramsiej (19:33 sekhon), ba-ar ka Lyntijingkyrmen Kharjahrin (19:58 sekhon) bad balai ka Daplin Wahlang (20:05 sekhon).
Ïa ki khusnam sha baroh ki nongjop la sam da ka Kong W.A.M Booth kum ka kongsan ha ryngkat ka jingïadon lang u Bah Vivek Syiem (IPS), Superintendent of Police ka East Khasi Hills, Bah R. N Rymbai, Deputy Registrar jong ka Cooperative Societies, Bah O. Mawthoh, District Sports Officer bad kiwei.
