Shillong, Lber 31
Ka Ribhoi Office Com-bine ka la long ka lahduh ha ka Inter Office Cum Corporate League T20 Cricket Tournament 2025 ba la pynïaid da ka East Khasi Hills Cricket Asso-ciation. Kane ka wan hadien ba ka la lah ban pynliem noh ïa ka Combine SHG da 27 run ha ka Lah Sngi U Blei.
Ha kane ka jingïakhun kaba la long ha madan Saitsohpen kaba ha Sohra, ka Ribhoi Office Combine hadien ba jop kynting pisa ka la shimti shwa ban tied nyngkong ha kaba ka la ïoh 177 run bad shah pynhap 9 wiket ha ki 20 over. Kane ka la wan urlong lyngba ka jingïalehkai bha u Kumar Sewa uba la khyrwit ïa ka shiteng spah kaba 75 run na ki 49 bol. Katba u Bryan Mac Millan Marbaniang u la shim 2 wiket na ka bynta 38 run ha 4 over.
Haba wan beh ïa ka thong, ka Combine SHG ka la ïoh tang 150 run hadien ba ka la shah pynhap 7 wiket ha ki 20 over. U Mebankyrshan Allyya u la tied 35 run na ki 22 bol. Katba u Wansuklang Shullai u la shim 3 wiket na ka bynta 21 run ha 4 over. Ïa ka nam ‘Player of the Match’ la ïohpdiang da u Wansuklang Shullai bad ka ‘Player of the Tourna-ment’ ka leit sha u Wan-suklang Shullai.
Ïa ki khusnam sha kitei ki kynhun la sam da u Bah M.B Tongper ADC ka Ri Bhoi District ryngkat ka Kong Adiel R. Kynta (MCS), Block Develop-ment Officer ka Shella Bholaganj C&RD Block, Bah D. Kynta Sirdar ka Ilaka Saitsohpen Sirdar-ship, Sohra ha kaba la ïadon lang ruh ki dkhot ka East Khasi Hills Cricket Association.
