Vilnius, Iaiong:
Katkum ki khubor, la ong ba ha kane ka por la lap sa ia uba khatduh napdeng saw ngut ki shipai America kiba la jah ha Lithuania naduh ka taiew ba la dep, la lap ia ka metïap jong une u shipai ba khatduh ha ka Sngi Ba-ar.
Katba ia lai ngut kiwei pat ki shipai, la lap ha ka Sngi Nyngkong hadien ba ki nongpyllait im ki la lap ia ka kali jong ki na kawei ka thliew.
Ki bor synshar jong ka Lithuania ki la ioh ia ka kaiphod ha ka Sngi Ba-ar ba la dep ba kitei ki shipai ki la jah ha ka por ba ki don hapdeng ka jingshah hikai ha kawei ka jaka ai jinghikai kaba don ha ka nongbah Pabrade kaba don sha ka phang Shatei Mihngi jong ka nongbah Pabrade hajan khappud bad ka Belarus.
Hynrei katei ka tnat shipai kam shym la batai bniah shano thik la lap ia ka met jong utei u shipai.
Ka tnat iada ri jong ka Lithuania, ka la pynpaw ia ka jingsngewsih kaba jur, halor katei ka jingiap bad ka la phah ruh ia ka jingsngewlem sha ka iing- ka sem jong utei u shipai ba khlad bad kular ruh ban phah ia ka bai lut ksan baroh naka bynta ka iing- ka sem jong u.
