New York, Iaiong:
Ka kompeni Tesla ha kane ka por, ka la pynpaw ba ka jingdie ïa ki kali ha ki lai bnai ba sdang jong une u snem ka la hiar haduh 13% ha ka Sngi Balang hapdeng ka jinghiar ka jingpynmih ha ka por ba pynbha ïa ki karkhana bad ka jingshah pynrem halor ka jingtrei jong u CEO jongka- u Elon Musk uba la iadon bynta bad ka sorkar u Trump.
Ka kompeni kali elektrik jong u Musk ka la pynpoi 336,681 tylli ki kali ha ka shi bnai kaba kut ha ka 31 tarik u Lber, kaba la duh ïa ka jingkhmih lynti jong ki nongpeit bniah, namar ba ka la kdew ïa ka jingduhnong jong ki katto katne taiew jong ka jingpynmih katba ka dang pynbha ïa ka jingpynmih ia ka Model-Y.
Kumta la ong ba ka ioh- ka kot jong ka Tesla, ka la hiar palat 6% ha ka jingkhaii kaba sdang hadien ba ki jingpynpoi ki la hiar palat ia kaba la khmih lynti na ka jingkhaii kaba la dep.
Kane ka jingbym lah die bha shuh ia ki kali jong katei ka kompeni, ka wanrah ia ki jingkylli shaphang ka jingbteng jong u Musk ban peit ia ka kompeni shna kali EV, kaba la shah pynhiar dor namar ka jingkhanglad jong ki nongthied namar ba utei u heh spah u la pynduh kam ia ki hajar ngut ki briew hapoh ka jing-ialam jong u Trump ha US.
