Imphal, ïaïong:
Ki la don palat 4000 ngut ki briew ka Meitei Pangal (Manipuri Muslims) ki la mih sha surok bad ki la pynlong ïa ka jingïakhih pyrshah ïa ka aiñ Waqf (Amendment) Act 2025 ha ka Sngi U Blei ha Manipur. Ka Islamic Students’ Association (ISA) ryngkat ka jingïatreilang bad ka ASSU & MPCM Sora ki la pynlong ïa kane ka jingïakhih ha Sora kaba don ha Kakching distrik ha ki bynta jong ka National Highway 102.
Ki nongïakhih ki la pan ruh ïa ki jingpyrta bapher bapher kiba pynrem ïa ka aiñ Waqf (jingpynkylla) 2025, kynthup ‘pyndam noh ïa ka aiñ WAQF 2025,’ bad ‘u trai jong ka WAQF u dei U Allah, u nongsumar ïa ka WAQF u dei ka jaitbynriew Muslim.’
Ka jingïalehkai kaba lyngkot ka la jia hapdeng ki nongïakhih bad ki pulit ka Irong Chesaba. Hynrei haduh mynta ym pat don kano kano ka jingjia kaba sngewsih.
Kaba kham kongsan ka long ba ka ïingdorbar ba shalor ka la mynjur ïa ka Waqf (Amendment) Bill 2025 ha ka sngi Thohdieng, hadien ba la mynjur da ka ïingdorbar.
