Shillong, Ïaïong 09
Ka ‘thei ïalehkai wushu ka Jylla hapoh ka lama jong ka Meghalaya Wushu Asso-ciation (MWA), ka Baïarihun Myrboh ka la khur ïa ka takma rnong ha ka Sub-junior and Junior Khelo India National Women’s League kaba la sdang naduh 2 haduh 7 tarik mynta u bnai ha Raksha Rashtriya University, Ahme-dabad, Gujarat.
Katei ka khynnah kaba la shah hikai hapoh ka shlem ai jinghikai jong ka Donita School of Martial Arts na Kharang bad kaba dang pule ha Ram Krishna Lower Primary School kaba ha Mawkynrew, ka la khur ïa katei ka takma ha ka jingïalehkai Sanda (Sub-Junior -33 kg).
Wat la na ka liang katei ka synjuk ka la phah 6 ngut ki ‘thei ïalehkai sha katei ka lympung hapoh ka jingïalam ka Lorenza Songthiang kum ka Coach kaba na Laitkor bad u Linkingson Sangma kum u Manager na Tura, West Garo Hills District, hynrei tang katei ka khynnah kaba la lah ban wanrah nam bad burom ïa ka Jylla.
