Jowai, Ïaïong 11
Ka Mowkaiaw CYC ka la jop da 29 run pyrshah ïa ka Phramer CC ha ka jingïalehkai District Cricket League ba la pynïaid da ka West Jaiñtia District Cricket Association (WJDCA) ha ka 11 tarik Ïaïong.
Ïa ka kynting pisa la jop da ka Phramer CC kaba la kam trai ban kawang bol shwa. Ka Mowkaiaw C.Y.C haba leit tied ka la ïoh 130 run bad liem baroh 10 wiket ha ka 21.3 over na ki 35 over ba la buh.
Haba poi ka pali jong ka Phramer C.C ban beh ïa ka thong ka la lah ban ïoh tang 101 run da kaba duh 10 wiket ha ka 28 over.
U Kitboklang Lyngdoh na ka Mowkaiaw C.Y.C u la kylla long u namtam ban ïohpdiang ïa ka khusnam ‘Man of the Match’ hadien ba u la shim 5 wiket.
Ha ka 12/04/25 ka jingïalehkai kan long hapdeng ka Moodymmai C.C pyrshah ïa ka Young Lad’s C.C ha ka por 9.00 baje mynstep.
