Shillong, Ïaïong 13
Ka shlem treikam u District Sports Officer (DSO) East Khasi Hills kan sdang ïa ka District Level Inter School Athletic Meet 2025 naduh 6 haduh 8 tarik u Jymmang mynta u snem ha SAI STC Shillong.
Kane ka lympung ka kynthup ïa ki jingïakop mareh bapher bapher, long jump, high jump, javelin, shoot put bad kiwei kiwei. Ka jingkhmih bniah ïa ki rta jong ki khynnah ïalehkai kan long ha ka 21 tarik mynta u bnai ha J.N Stadium, Polo.
Te kumta na ka liang katei ka shlem treikam ka la khmih lynti ïa ka jingwan shim bynta bun tylli ki skul kiba na kane ka district na ka bynta ban jied ïa ki khynnah kiba kynsai tam ban mihkhmat pat ïa kane ka District sha ka State Level Inter School Athletics Meet 2025 ka ban sa long kham hadien.
