Washington, Iaiong:
Ka United States ha ka Sngi Palei ka la ioh ban ia pyllait koidi markylliang bad ka Russia kum shi bynta jong ka jingiatrei lang bad ka jingthmu ban wanrah ia ka jingiasuk hapdeng kitei ar ri hapoh ka jingialam lynti jong u President ba thymmai ka US- u Donald Trump.
Kumta na liang ka Russia ka la pyllait noh ia uwei nong US uba ka Russia ka la kem bad pynngat kyndon baroh shi katta ha kaba ka la pharep ba utei u nongkhaïi shimet u la bei tyngka haduh $50 sha ka tnat ai jingkyrshan ia ka Ukraine.
Kumjuh, na ka liang jong ka United States ka la ioh ban pyllait noh ia u Arthur Petrov uba long nong Russia-Germany bad uba ka US ka la pharep bad pynngat kyndon halor ka jingdon kti jong utei u briew ban ai jingkyrshan sha ka tnat shipai Russia da ki tiar ba la shna na US.
