Shillong, Ïaïong 14
Ka Meghalaya Taekwondo Association (MTA) kaba la pynïasoh bad ka Taekwondo Federation of India, ka la pynlong ïa ka ‘World Taekwondo Black Belt and National Referee Awarding Ceremony and Felicitation of the Achievers’ ha ka 12 tarik mynta u bnai ha Dorbar Shnong Community Hall kaba ha Golf Links.
Ka jingdon ki Black Belt ka long 79 ngut kiba la bat ïa ka 1st Dan, 2nd Dan and 3rd Dan bad ka jingdon jong ki Referee ka long 37 ngut. Ha katei ka sngi la ïadon lang u District Sports Officer (DSO) ka East Khasi Hills, Bah O. Mawthoh kum kongsan ha ryngkat ka jingdon lang u General Secretary ka Meghalaya State Olympic Association (MSOA), Bah Finely Lad Pariat kum symbud kongsan kiba la pynkup burom ïa ki nongïalehkai.
