Shillong, Ïaïong 15
Ka lympung ïalehkai Under-16 Boys Inter District Cricket Tournament 2025 (Zone-1) ba la pynïaid da ka West Jaiñtia Hills District Cricket Association ha ryngkat ka Meghalaya Cricket Association ka la sdang ha ka Sngi Ba-ar ha madan Thad, Mukhla Mission kaba ha West Jaiñtia Hills.
Ha kane ka jingïakhun kaba nyngkong, ka Eastern West Khasi Hills District Cricket Association (EWKHDCA) ka la ïoh jingjop hadien ba ka la pynliem noh ïa ka West Jaiñtia Hill D.C.A da 9 wiket.
Ka WJHDCA kaba la kam trai ban tied nyngkong ka la ïoh tang 30 run hadien ba ka la shah pynhap 10 wiket ha ki 16 over. Hynrei haba wan shimti ïa ka pali kaba ar, ka EWKHDCA ka la lah ban kynjoh sha ka thong da kaba tied 31 run bad hap 1 wiket ha ki 11.2 over.
Ka jingïalehkai ha ka Sngi Balang kan long hapdeng ka Shillong Cricket Association-A (S.C.A ‘A’) pyrshah ïa ka West Khasi Hills D.C.A ha ka por 8:30 mynstep.
