Shillong, Ïaïong 15
Ka East Khasi Hills Cric-ket Association (EKHCA) ka la sdang sa ïa ka lympung ïalehkai na ka bynta ki khynnah kynthei ba la tip kum ka (L) Benjamin Diengdoh Memorial U-16 Girls Inter School Cum Cluster Cricket Tourna-ment 2025 ha ka Sngi Ba-ar.
Ha kane ka jingïakhun kaba la long ha madan Saitsohpen kaba ha Sohra, ka Mawsynram Cluster ka la ïoh jingjop hadien ba ka la lah ban pynliem noh ïa ka Pongtung Cluster (Girls) da 151 run.
Ka Pongtung kaba la jop kynting pisa, ka la ailad shwa ïa ka Mawsyn-ram ba kan tied nyngkong ha kaba ka la lah ïoh 159 run bad shah pynhap 8 wiket ha ki 20 over. Kane ka wan urlong lyngba ka jingïalehkai bha ka Eliza Lyngdoh kaba la lah ban tied haduh 55 run na ki 39 bol. Katba ka Saramanbha Khongsit ka la shim 3 wiket ha ki 4 over na ka bynta ka Pongtung.
Haba wan beh ïa ka thong ba la buh da ka liang pyrshah, ki nongtied ka Pongtung ki la shah pynkhyllem lut baroh wiket ha ki 7 over bad ban ïoh tang 9 run. Ka Saramanbha Khongsit ka la tied tang 2 run na ki 16 bol. Katba ka Eliza Lyngdoh marwei ka la shim 9 wiket ha ki 4 over na ka bynta ka Mawsynram bad kumjuh ban ïohpdiang ïa ka nam Player of the Match.
Ha kane ka lympung ïalehkai ki khynnah kynthei ki la don tang lai tylli ki Cluster kynthup lang ïa ka Sohra.
Ha kaba ïadei ka jing-ïakhun jong ki shynrang, ka Pongtung, Pynursla Cluster bad Sohra Cluster ‘A’ ki la rung sha ka final bad shen kin sa ïaknieh ïa ka nam lahduh.
