Lima, Iaiong:
Ka ïingbishar jong ka Peru, ha ka Sngi Ba-ar, ka la rai pynrem ïa u President barim, u Ollanta Humala bad ïa ka kurim jong u, da kaba rai ban set patok haduh 15 snem ha kaba ïadei bad ka kam bamsap kaba la saphriang kylleng ka pyrthei, ha kaba ka kynhun shna ïing jong ka Brazil, ka Odebrecht, ka la siew pisa sha ki riew saiñ pyrthei.
Ka ïingbishar, ka la lap ba utei u Rangbah, uba la 62 snem ka rta bad ka kurim jong u, ka Nadine Heredia, ki don kti ha ka kam bei pisa be-aiñ, namar ba ki la ioh pdiang ia ki jingnoh synniang beaiñ na u Odebrecht bad ka sorkar Venezuela, ha ki ar tylli ki jing-ialap ilekshon President ha ki por ba la leit.
U Heredia hadien ba la phah kem da ka ïingbishar, u la wad jaka rieh tngen ha ka tnat Embassy jong ka Brazil ha Lima.
U Humala, u dei u heh shipai barim uba la ïalam ïa ka ri naduh u snem 2011 haduh u snem 2016. U la kylla long President jong ka Peru dei ha u snem 2022 bad kum President lane u nong-ialam uba nyngkong eh ban shah pynleit sha ka jingbishar ha ka kam bamsap jong ka Odebrecht nalor 3 ngut kiwei pat ki president barim ki la iadon kti lang.
Uwei pat u nongialam barim, uba la jop haduh 2 samoi, u Alan Garcia, u la pyniap ialade ha u snem 2019, haba ki pulit ki la wan sha iing jong u ban kem ia u, katba u Alejandro Toledo (uba la don ha ka bor naduh u snem 2001 haduh 2006) u la shah rai pynrem ha u snem ba la dep da kaba set phatok palat ia ka 20 snem namar ba u la pdiang ia ki pisa da ki klur tyngka naka bynta ka jingiateh kular jong ka sorkar.
Ka jingtohkit ka dang ïaid shakhmat halor u President barim uba saw uba la shah pynngat ha kane ka kynti, u Pedro Pablo Kuczynski (uba la bat ïa ka kam naduh u snem 2016 haduh u snem 2018).
Ki nongmudui ki la dawa ba dei ban pynshitom da kaba set patok ia u haduh kumba 20 snem eiei bad 26 snem ïa ka Heredia namar ba ki la pdiang ïa ki jingpynbam pisa be-aiñ kaba la kot ia ka $3 million naka bynta ka jingïalap ilekshon jong u ha u snem 2011 na Odebrecht.
