Kyiv, Naitung 6:
Ka kynthei kaba la suba ba ka la pynlong ïa ka jingbthei bom ha Monaco kaba la pynmynsaw ïa u heh spah jong ka Ukraine uba la shah pynjari bad ka iing ka sem jong u, la lap ba ki la ïap, la ïathuh ka tnat pahara jong ka Ukraine (SBU).
La pynlong ïa ka jingwad briew sha shilïang pud na ka bynta ka Anastasiïa Berezovska, ka kynthei Ukraine, kaba ki heh sorkar, ki ngeit, ba ka la phet rieh na katei ka nongbah-jylla, kaba riewspah, hadien ba ka la thep ïa u bom, ha ka kamra rung jong kawei ka ïing sah ha ka 29 tarik u Rymphang.
Arngut ki briew kynthup ïa uwei u ophisar ba mynta hapoh ka tnat ïada ri jong ka Ukraine ki la shah kem halor ka jingsuba pynïap briew.
Ka Berezovska, ka la poi ha Ukraine, hadien ar sngi jong ka jingshah thombor ha ka 1tarik Jylliew, ong ka SBU, ha ka kyrwoh jongka, da kaba kdew na ki tyllong khubor jong ki bor jong ka ain.
Hangta, ka la ïakren bad kiba haïing hasem jong ka bad arngut ki shynrang – uwei u ophisar barim jong ka aiñ bad uwei u ophisar ba mynta ha ka tnat wad bnïah ba kongsan jong ka MoD.
La tohkit ïa kine ki arngut kum ki nongdonkti lang ha ka jingshah thombor ha Monaco katkum ka jingtip ba ki la “kynrïah bïang bïang ïa ka pisa” sha ki “crypto bad ki bank account” jong ka Berezovska.
U ophisar wad bnïah, hadien kata, u la phla ïa ka jingpynïap ïa ka Berezovska bad u la ong ba u la leh ïa katei bad “uwei pat u nongshah suba”, la ong ka tnat.
Ka la bteng bïang: “Ha ka por ba talasi ïa ka ïing jong u ophisar aiñ barim, la lap ïa kawei ka kamra ba shapoh ïing kaba ïasyriem bad ka kamra pynshitom beiñ.”
“Baroh arngut ki suba donkti la kem namar ka jingsuba ba ki la leh ïa ka jingpynïap briew da kaba thmu lypa da ka kynhun ki briew shimet.”
Ka jingtohkit ka dang ïaid shakhmat da ka “jingïarap shimet” jong u khlieh jong ka tnat syntïat u Oleg Ivashchenko.
U deputy prosecutor jong ka Monaco, u Morgan Raymond, u ïathuh ba ka Berezovska, ka la pynlut por da ki sngi, ha kaba ka la buh ïa katei ka jaka sah bad ka la “pynkylla dur kum u briew” ha katei ka jingshah thombor ha ka sngi Nyngkong ba ladep.
Lai ngut ki briew ki la mynsaw, arngut na ki, ki la mynsaw jur, haba kawei ka package, ka la bthei tang ha ka por ba ki dang rung shapoh katei ka iing, tang hadien ka por 21:00 baje katkum ka por jong ka ri (19:00 GMT).
La ngeit ba ka Berezovska, ka la phet rieh da ka kali ba la ai wai sha Italy bad nangta sha Germany – ha kaba ki bor ba kyrpang, ki la khynra ïa kawei ka ïing ba la ai wai da kawei ka kynthei Ukraine, kaba 39 snem ka rta, “kaba dang phet rieh mynta” ha ka jylla pdeng jong ka Hesse, ha ka sngi Thohdieng, ong ki pulit.
Ka Interpol ka la pynmih ïa ka jingpynbna rong saw kaba pyntip sha ki pulit ha kylleng ka pyrthei ba ka dei ka nongphetwir kaba la wad namar ka jingpyrshang ban pynïap briew, da kaba buh ïa u tïar pynbthei ha ka surok paidbah da ka jingthmu ban leh kam sniew bad ka jingthmu ban leh kam sniew ha ka sngi palei.
Ki bor synshar ha Monaco, kim shym la pynthikna ïa kitei ki briew kiba la shah pynïap, hynrei ki lad pathai khubor jong katei ka thaiñ, ki la ïathuh ba u Vadym Yermolaiev, u paralok jongu bad u khun jongu, uba dang 13 snem ka rta, ki la shah thombor.
U Yermolaiev, uba dei u nongpynroi jaka, u la shah jied kum u nong Ukraine uba riewspah tam uba 39 da ka kot khubor Forbes ha u snem 2020 ha kaba la ïathuh ba ka spah jong u ka long $230m (£173.8m).
U don ka jingsngewtynnat kaba khraw ha ka wain bad ka kyïad ha Crimea, kaba ka Russïa, ka la shim be-aiñ ha u snem 2014, bad ka la long ka mat jong ki jingpynjari kyndon jong ka sorkar ha Kyiv, naduh u snem 2023.
Utei u dei u nongshong shnong jong ka Cyprus, hadien ba u la iehnoh ïa ka jinglong nongshong shnong jongu ha Ukraine ha u snem 2019, bad u la sah ha Monaco.
