Shillong, Ïaïong 16
U khlur ïalehkai shapdeng ka Real Madrid bad Croatia, Luka Modric, u la pynïasoh bad ka Swansea kum nongbei tyngka bad kum uwei na ki trai jong kane ka klob, la pynbna kane ka klob kaba ïashim bynta ha ka Championship.
Une u kapten ka Croatia ba la 39 snem ka rta, u la pynlut ïa ki 13 tylli ki samoi ba la dep bad ka Real Madrid bad u la ïarap ruh ban jop hynriew tylli ki nam lahduh ha ka Champions League hadien ba u mih noh na ka Tottenham. Ka Swansea kam shym la pynpaw haduh katno u Modric uba la jop ïa ka Ballon d’Or ha u snem 2018, u la bei pisa hynrei u la pynpaw ïa ka jingkmen halor ka lad ban pyndonkam ïa ka jingstad jong u ban ïarap ïa ka klob na Wales, kaba ïalehkai ha ka second division jong ka lympung ha England.
U Modric u la ong ha ka website jong ka klob: “Kane ka dei ka kabu kaba biang eh. Ka Swansea ka don ïa ka jingithuh kaba khlaiñ, ka kynhun nongkyrshan kaba ym lah ban ngeit bad ka jingangnud ban ïakhun ha ka kyrdan kaba kham shajrong.”
“Da kaba ïalehkai ha ka kyrdan kaba kham shajrong, nga ngeit ba nga lah ban ai ïa ka jingshemphang jong nga ïa ka klob.”
“Ka thong jong nga ka long ban kyrshan ïa ka jingkiew jong ka klob ha ka rukom kaba bha bad ban ïarap ban tei ïa ka lawei kaba sngewtynnad.”
Kumba ka long mynta ka kontrak jong u Modric ha ka Real Madrid kan poi sha kaba kut jong kane ka aïom.
Ka rai jong u Modric ban bei tyngka ha katei ka klob ïalehkai phutbol ka long hadien ba ki paralok ba ïalehkai lang kum u Kylian Mbappe bad u Vinicius Junior ki la leh kumjuh na ka bynta ka kynhun ïalehkai ha ka Ligue 2 ka Caen bad ka klob na Portugal ka FC Alverca.
Kumba ka long mynta ka Swansea ka la don ha ka kyrdan ba khatar ha ka Championship.
