Berlin, Iaiong:
Ki bor pyniaid ka Berlin ha ka Sngi Balang ki la pynngat kyndon noh ia kawei ka doktor kaba la shim ia ka jingim jong 15 ngut ki nongpang kiba shah sumar ha ka. Katei ka doktor kaba la don 40 snem ka rta la ong ba ka la dep pyniap teng ia ki 12 ngut nongpang kynthei bad 3 ngut ki nongpang shynrang hapdeng jong u Nailur 2021 haduh Naitung 2024.
Ki nongthoh khubor ki pynithuh ia katei ka doktor kum ka Johannes M, hynrei na ka liang ki bor pyniaid pat kim pat shym la pynpaw kyrteng ne pyntikna ia ka kyrteng jong katei ka briew.
La ong kitei kiba khlad baroh ki dei kiba hap ban shah sumar lyngba jong katei ka doktor ha katei ka por ba ki shah pyniap bad shah ai da ki dawai ki ban ktah jur ia ka koit- ka khiah jong ki.
La ong ba kitei ki nongpang ba khlad ki kynthup ia kiba naduh 25 snem haduh 94 snem ka rta.
